உலகநாயகன் கமல்ஹாசன் நடிப்பில், ஷங்கர் இயக்கத்தில் உருவாகி உள்ள ’இந்தியன் 2’ படம் ஜூலை 12ஆம் தேதி வெளியாகும் என்று அறிவிக்கப்பட்டுள்ள நிலையில் இந்த படத்தின் சிங்கிள் பாடல் சற்றுமுன் வெளியாகி இணையத்தில் வைரலாகி வருகிறது

அனிருத் கம்போஸ் செய்த இந்த பாடலை பா விஜய் எழுத, அனிருத் மற்றும் ஸ்ருதிகா ஆகியோர் பாடியுள்ளனர். இந்த பாடல் முதல் முறை கேட்கும் போதே ஆக்ரோஷமாக இருக்கிறது என்றும் தாய் நாட்டின் பற்றை வெளிப்படுத்தும் வகையில் உள்ள இந்த பாடல் அனிருத்தால் வித்தியாசமாக கம்போஸ் செய்யப்பட்டுள்ளது என்றும் ரசிகர்கள் கருத்து தெரிவித்து வருகின்றனர். இந்த பாடலின் முதல் சில வரிகள் இதோ:

பாரா.. வருவது ஓரத் படையா
வீரா.. விழுப்புண் அலங்காரா
மாறா. ஆயிரம் உடைவாள் ஒருவன்
பேரா.. வரிப்புலி வரலாறா?

தினவுள்ள தோள்கள் உண்டு
தீயை கக்கும் வாட்கள் உண்டு
புரவிக்கு ரெக்கை உண்டு
புயலுக்கும் தான் உருவம் உண்டு

தொட்டுப்பார் கை நடுங்கும்
மூச்சடங்கும் இவனை கண்டு
வேட்டைக்கு போகுது பார்
வேங்கை வெகுண்டு

என் தாய்மண் மேல் ஆணை
இது தமிழ் மானத்தின் சேனை
அட வெள்ளை ரத்தம் தொட்டு
இனி வாளில் ஏற்று சாணை

என் தாய்மண் மேல் ஆணை
இது தமிழ் மானத்தின் சேனை
அட வெள்ளை ரத்தம் தொட்டு
இனி வாளில் ஏற்று சாணை
பாரா...

கமல்ஹாசன், காஜல் அகர்வால், சித்தார்த், ரகுல் ப்ரீத் சிங், ப்ரியா பவானி சங்கர், சமுத்திரக்கனி, பாபி சிம்ஹா, டெல்லி கணேஷ், ஜெயபிரகாஷ், குரு சோமசுந்தரம், வெண்ணிலா கிஷோர், ஜார்ஜ் மரியான், மனோபாலா உள்ளிட்ட பலர் நடித்துள்ளனர். ரத்னவேலு, ரவிவர்மன் ஒளிப்பதிவில், ஸ்ரீகர் பிரசாத் படத்தொகுப்பில் உருவாகியுள்ள இந்த படத்தை லைகா மற்றும் ரெட் ஜெயண்ட் மூவீஸ் நிறுவனங்கள் தயாரித்துள்ளன.