'இந்தியன் 2' செகண்ட் சிங்கிள்.. இந்த முறை அனிருத்தின் துள்ளலான ரொமான்ஸ் பாடல்..!
- IndiaGlitz, [Monday,May 27 2024]
உலகநாயகன் கமல்ஹாசன் நடிப்பில், ஷங்கர் இயக்கத்தில், அனிருத் இசையில், லைக்கா நிறுவனத்தின் தயாரிப்பில் உருவாகியுள்ள திரைப்படம் ’இந்தியன் 2’. இந்த படத்தின் படப்பிடிப்பு கடந்த 2019 ஆம் ஆண்டு தொடங்கிய நிலையில் பல்வேறு பிரச்சனைகளை சந்தித்து கிட்டத்தட்ட ஐந்து ஆண்டுகளுக்கு பின்னர் சமீபத்தில் தான் முடிவடைந்தது என்பது குறிப்பிடத்தக்கது.
இந்த நிலையில் ஜூலை 12ஆம் தேதி ’இந்தியன் 2’ படம் உலகம் முழுவதும் ரிலீஸ் ஆகும் என்று அறிவிக்கப்பட்டுள்ள நிலையில் இந்த படத்தின் புரமோஷன் பணிகள் விறுவிறுப்பாக நடைபெற்று வருகிறது என்பதும் குறிப்பாக சமீபத்தில் இந்த படத்தின் ’பாரா’ என்ற முதல் சிங்கிள் பாடல் வெளியாகி இணையத்தில் வைரல் ஆனது என்பதையும் பார்த்தோம்.
இந்த நிலையில் சற்றுமுன் லைக்கா நிறுவனம் தனது சமூக வலைதள பக்கத்தில் மே 29ஆம் தேதி ’இந்தியன் 2’ படத்தின் இரண்டாவது சிங்கிள் வெளியாகும் என்று அறிவித்துள்ளது. மேலும் இந்த அறிவிப்புடன் சித்தார்த் மற்றும் ராகுல் பிரீத்தி சிங் ஸ்டில் ஒன்றையும் வெளியிட்டுள்ள நிலையில் இந்த பாடல் இருவருக்கும் ஆன டூயட் துள்ளல் பாடலாக இருக்கும் என்றும் எதிர்பார்க்கப்படுகிறது
கமல்ஹாசன், காஜல் அகர்வால், சித்தார்த், ரகுல் ப்ரீத் சிங், ப்ரியா பவானி சங்கர், சமுத்திரக்கனி, பாபி சிம்ஹா, டெல்லி கணேஷ், ஜெயபிரகாஷ், குரு சோமசுந்தரம், வெண்ணிலா கிஷோர், ஜார்ஜ் மரியான், மனோபாலா உள்ளிட்ட பலர் நடித்துள்ளனர். ரத்னவேலு, ரவிவர்மன் ஒளிப்பதிவில், ஸ்ரீகர் பிரசாத் படத்தொகுப்பில் உருவாகியுள்ள இந்த படத்தை லைகா மற்றும் ரெட் ஜெயண்ட் மூவீஸ் நிறுவனங்கள் தயாரித்துள்ளன.
A symphony is about to bloom! 🌸 The 2nd single from INDIAN-2, a Rockstar ANIRUDH musical, is dropping on May 29th. 🎼 Get ready to be swept away. ✨🤩#Indian2 🇮🇳 #Ulaganayagan @ikamalhaasan #Siddharth @Rakulpreet @shankarshanmugh @anirudhofficial @LycaProductions #Subaskaran… pic.twitter.com/vN94292qt9
— Lyca Productions (@LycaProductions) May 27, 2024