ஒரு திரைப்படம் ரிலீஸ் ஆனவுடனே அந்த திரைப்படம் இன்டர்நெட்டில் வெளியாகி வசூலில் பெரும் பகுதியைப் பாதித்து வரும் நிலையில் தற்போது இன்னும் ஒருபடி மேலே போய் ஒரு திரைப்படம் தயாரிக்கப்பட்டு வரும் போதே இன்டர்நெட்டில் அந்த படத்தின் கதை மற்றும் ஸ்டில்கள் லீக் ஆகி பெரும் பரபரப்பை ஏற்படுத்தி வருகிறது

இந்த நிலையில் கமல்ஹாசன் நடிப்பில் ஷங்கர் இயக்கி வரும் 'இந்தியன் 2' படத்தின் கதை குறித்த ஒரு வதந்தி இன்டர்நெட்டில் பரவி வருகிறது. சமூக ஆர்வலர் சித்தார்த் மனைவி ரகுல் ப்ரீத்திசிங் உடன் இணைந்து யூடியூப் சேனல் ஒன்றை நடத்தி வருகிறார். ஊழலுக்கு எதிராக குரல் கொடுக்கும் அவர், தன்னுடைய யூடியூப் சேனலில் அரசியல்வாதிகளின் ஊழலை அம்பலப்படுத்துகிறார். இதனால் அவருக்கு மிரட்டல்கள் வருகிறது

இதனை கேள்விப்பட்டு வெளிநாட்டிலுள்ள கமல்ஹாசன் இந்தியா வந்து, சித்தார்த்திடம் ஊழல் அரசியல்வாதிகளின் பாட்டிலை வாங்கி ஒவ்வொருவராக தனது வர்மக்கலை மூலம் கொலை செய்கிறார். கமல்ஹாசனின் இந்த முயற்சிக்கு சித்தார்த் மற்றும் வர்ம கலை நிபுணரான காஜல் அகர்வால் ஆகியோர் உதவி செய்கின்றனர். இதனை அடுத்து கமலை பிடிக்க போலீசார் வலை விரிப்பதாகவும், அந்த வலையில் கமல்ஹாசன் சிக்கினாரா? என்பதுதான் இந்த படத்தின் கதை என்றும் சமூக வலைதளங்களில் வதந்திகள் பரவி வருகிறது