கமலின் கடைசி படம் இதுதானா?
- IndiaGlitz, [Tuesday,December 04 2018]
திரைத்துறை, அரசியல் துறை என இரண்டு குதிரைகளில் ஒருசேர பயணம் செய்து கொண்டிருக்கும் கமல்ஹாசன், ஒருபக்கம் தனது கட்சியான மக்கள் நீதி மய்யம் கட்சியின் பணிகளை கவனித்து கொண்டே இன்னொரு பக்கம் தனது அடுத்த படமான 'இந்தியன் 2' படத்தின் மேக்கப் டெஸ்ட் உள்ளிட்ட பணிகளிலும் ஈடுபட்டு வருகிறார்.
இந்த நிலையில் 'என் கடைசி படம் 'இந்தியன் 2' படம் தான் என்றும், வரும் 2019 நாடாளுமன்ற தேர்தலில் மக்கள் நீதி மய்யம் போட்டியிடவுள்ளதால் 'இந்தியன் 2' படம் தான் என் நடிப்பில் வெளியாகும் கடைசி படமாக இருக்கும்' என்றும் கமல் கூறியுள்ளார்.
அப்படியென்றால் பாதியில் நிற்கும் 'சபாஷ் நாயுடு' திரைப்படம் 'இந்தியன் 2' படத்திற்கு முன்னரே வெளியாகும் என்று எதிர்பார்க்கப்படுகிறது. மேலும் சமீபத்தில் அவர் அறிவித்த 'தேவர் மகன் 2' படம் கைவிடப்படுகிறதா? அல்லது பாராளுமன்ற தேர்தலுக்கு பின் அவர் நடிப்பாரா? என்பது கேள்விக்குறியாக உள்ளது.