பிக்பாஸ் ஃபைனலில் கமல்-ஷங்கரின் 'இந்தியன் 2' அறிவிப்பா?
- IndiaGlitz, [Saturday,September 30 2017]
இன்று பிக்பாஸ் நிகழ்ச்சியின் வெற்றியாளர் பிரமாண்டமான மேடையில் அறிவிக்கப்படவுள்ள நிலையில் இதே மேடையில் இன்னொரு முக்கிய அறிவிப்பும் வெளியியாகவுள்ளதாக தகவல்கள் வந்துள்ளது. அதுதான் கமல்ஹாசனின் அடுத்த பட அறிவிப்பு
இந்த பிக்பாஸ் இறுதி நிகழ்ச்சியில் பிரமாண்ட இயக்குனர் ஷங்கர் சிறப்பு விருந்தினராக கலந்து கொள்ளவிருப்பதாகவும், கமல்-ஷங்கர் மீண்டும் இணையும் 'இந்தியன் 2' படத்தின் அறிவிப்பை அவர் வெளியிடவுள்ளதாகவும் நம்பத்தகுந்த வட்டாரங்களில் இருந்து செய்திகள் வெளிவந்துள்ளது.
தமிழ் மற்றும் தெலுங்கு என இருமொழிகளில் இந்த படத்தை தில்ராஜூ தயாரிக்கவிருப்பதாகவும், இந்த படத்தின் முக்கிய விஷயங்கள் குறித்து ஷங்கர் மற்றும் கமல் பிக்பாஸ் மேடையில் அறிவிக்கவிருப்பதாகவும் வெளிவந்துள்ள செய்தி கமல் ரசிகர்களுக்கு உற்சாகத்தை அளித்துள்ளது.