ஜியோ சினிமாவில் தற்போது ஐபிஎல் போட்டிகள் இலவசமாக ஒளிபரப்பாகி வரும் நிலையில் ஐபிஎல் போட்டிகள் முடிவடையும் நிலையில் உள்ளன. இந்த நிலையில் வாடிக்கையாளர்களை தக்க வைத்துக் கொள்வதற்காக ஜியோ சினிமா அதிரடியாக தமிழ் உள்பட பல மொழி திரைப்படங்களை ரிலீஸ் செய்ய திட்டமிட்டுள்ளது என்பதை ஏற்கனவே பார்த்தோம். குறிப்பாக விஷ்ணு விஷால் நடித்த ’மோகன் தாஸ்’ என்ற திரைப்படம் ஜியோ சினிமாவில் வெளியாக இருப்பதாக செய்திகள் வெளியானது.

அது மட்டும் இன்றி வார்னர் பிரதர்ஸ் மற்றும் HBO ஆகிய நிறுவனங்களுடன் ஜியோ சினிமா ஒப்பந்தம் செய்துள்ளதால் விரைவில் இனி ஜியோ சினிமாவில் ஹாலிவுட் திரைப்படங்களையும் பார்க்க முடியும்

இந்த நிலையில் ரகுல் பிரீத் சிங் நடித்த 'Boo’ என்ற பேய் படம் ஜியோ சினிமாவில் ஒளிபரப்பாக இருப்பதாகவும் இந்த படத்தை பார்ப்பதற்கு கட்டணம் எதுவும் இல்லை என்றும் அறிவிக்கப்பட்டுள்ளது. மேலும் இந்த படத்தின் டிரைலர் வெளியாகி உள்ள நிலையில் அந்த ட்ரெய்லர் இணையதளங்களில் வைரல் ஆகி வருகிறது.

ரகுல் ப்ரீத் சிங், நிவேதா பெத்துராஜ், மேகா ஆகாஷ், மஞ்சிமா மோகன், வித்யூ ராமன், உள்ளிட்ட பலர் நடிப்பில் உருவான இந்த படத்தில் இந்த படத்தை விஜய் என்பவர் இயக்கி உள்ளார். ஜிவி பிரகாஷ் இசையில் உருவான இந்த படம் மே 27ஆம் தேதி முதல் ஜியோ சினிமாவில் தமிழ் தெலுங்கு மொழிகளில் பார்க்கலாம் என்பது குறிப்பிடத்தக்கது.