மலையாள நடிகை ப்ரியாவாரியர் நடித்த ;'ஒரு ஆடார் லவ்' படத்தின் டீசரில் நிகழ்த்திய புருவ நடனம் மற்றும் கண்ணசைவு இந்தியா முழுவதும் வைரலாகும் அளவுக்கு ஒரு பெரிய விஷயமாக இணையதளங்களில் அலசப்பட்டது. இந்த நிலையில் சத்தமே இல்லாமல் பெண் இனத்தையே பெருமையடையும் வகையில் வீரமங்கை ஒருவர் ஒரு மிகப்பெரிய சாதனையை செய்துள்ளார். அவர்தான் மத்திய பிரதேச மாநிலத்தை சேர்ந்த அவனி சதுர்வேதி.

இந்திய விமானப் படைக்குச் சொந்தமான 'மிக்-21 பைசன்' ரக போர் விமானத்தை தனியாக இயக்கி, அவனி சதுர்வேதி என்ற பெண் விமானி சாதனை படைத்துள்ளார். கடந்த 2016-ஆம் ஆண்டு விமானம் ஓட்டுவதில் அடிப்படை பயிற்சி முடித்த அவனி, போர் விமானங்கள் ஓட்டும் பயிற்சியில் ஈடுபட்டார். .
அவனி சதுர்வேதி உள்பட 3 பெண் விமானிகள் இந்த பயிற்சியை முடித்து தனியாக போர் விமானத்தில் பறக்கும் பயிற்சியை முடித்துவிட்டாலும் முதன்முதலில் போர் விமானத்தை தனியாக இயக்கும் வாய்ப்பை பெற்று கடந்த் திங்கள்கிழமை சுமார் 30 நிமிடங்கள் தனியாகப் பயணம் செய்து சாதனை படைத்தார்.

இவரது சாதனைக்கு விமானப் படைத் தலைமைத் தளபதி பி.எஸ்.தனோவா, மத்தியப் பிரதேச மாநில தொழில் துறை அமைச்சர் ராஜேந்திர சுக்லா ஆகியோர் பாராட்டு தெரிவித்துள்ளனர். பெண்களால் எதையும் செய்ய முடியும் என்று நம்பிக்கையுடன் சாதனை செய்த இந்த அவனி சதுர்வேதி அவர்களையும் இணையதளங்களில் கொஞ்சம் வைரலாக்குங்கள் இளைஞர்களே