కరోనా గురించి తెలుసుకునే లోపే అది విజృంభించేయడం.. తప్పని సరి పరిస్థితుల్లో దేశ వ్యాప్తంగా లాక్‌డౌన్ ప్రకటించడం చకచకా జరిగిపోయాయి. దీంతో ప్రజానీకం తమ ఆరోగ్యాన్ని కాపాడుకోవడంపై దృష్టి సారించింది. దీనిలో భాగంగానే ఇమ్యూనిటీని పెంపొందించుకునేందుకు ఎలాంటి ఆహార పదార్థాలు తీసుకోవాలో తెలుసుకున్నారు. ఈ నేపథ్యంలో ఫుడ్ రెసిపీలకు ఆదరణ పెరిగింది. రుచితో పాటు ఇమ్యానిటీని పెంచే రకరకాల ఫుడ్ రెసిపీలను న్యూట్రీషనిస్టులు సామాజిక మాధ్యమాల్లో పోస్ట్ చేశారు.

ఈ క్రమంలోనే లావ్లీన్ కౌర్ అనే ప్రముఖ న్యూట్రిషనిస్ట్ రోగ నిరోధక శక్తిని పెంచే పచ్చడి తయారీ విధానాన్ని ఫేస్‌బుక్‌లో పోస్ట్ చేశారు. మన భోజనంలో ఒక చెంచా మ్యాజిక్‌ను చేరిస్తే మరింత రోగ నిరోధక శక్తిని పెంచుతుందని లావ్లీన్ తెలిపారు. ఆ మేజిక్ తాను చేసి చూపించే శక్తి బూస్టర్ పచ్చడేనని ఆమె వెల్లడించారు. మామిడి కాయతో చేసే ఈ పచ్చడి నెటిజన్లను తెగ ఆకర్షిస్తోంది.