கடந்த கிறிஸ்துமஸ் தினத்தில் 'கனா', 'சீதக்காதி', 'அடங்கமறு', 'மாரி 2' மற்றும் 'சிலுக்குவார்பட்டி சிங்கம்' என ஐந்து தமிழ் திரைப்படங்கள் வெளியானது தெரிந்ததே. இந்த படங்களுடன் கன்னட படத்தின் டப்பிங் படமான 'கே.ஜி.எப்' என்ற திரைப்படமும் வெளியாகி நல்ல வெற்றியை பெற்றது.

இந்த நிலையில் கேஜிஎப் திரைப்படத்தின் நாயகன் யஷ் வீட்டில் இன்று வருமான வரித்துறையினர் திடீரென ரெய்டு நடத்தி வருகின்றனர். மேலும் கன்னட சூப்பர் ஸ்டார் ராஜ்குமாரின் மகன் புனித் ராஜ்குமார் வீட்டிலும் வருமான வரித்துறையினர் ரெய்டு செய்து வருவதாக தகவல்கள் வெளிவந்துள்ளது.

யஷ் நடிப்பில் வெளியான 'கே.ஜி.எப்' திரைப்படம் தென்னிந்திய மொழிகளில் ஒரே நாளில் வெளியாகி சுமார் ரூ.150 கோடி வசூலாகியிருப்பதாகவும், இவர் வரி ஏய்ப்பில் ஈடுபட்டுள்ளதாக தகவல்கள் வெளிவந்ததாலும் வருமான வரித்துறையினர் ரெய்டு செய்து வருவதாக கூறப்படுகிறது.