ஜெயா டிவி மட்டுமின்றி வேறு எங்கெல்லாம் சோதனை! புதிய தகவல்
- IndiaGlitz, [Thursday,November 09 2017]
இன்று காலை 6 மணி முதல் வருமான வரித்துறையினர் சென்னையில் உள்ள ஜெயா டிவி அலுவலகத்தில் சோதனை செய்து வருகின்றனர். இந்த நிலையில் ஜெயா டிவி அலுவலகம் மட்டுமின்றி அதற்கு சம்பந்தப்பட்ட வேறு சில இடங்களிலும் சோதனை நடந்து வருவதாக தகவல்கள் வெளிவந்துள்ளது
ஜெயா டிவியை நிர்வகித்து வரும் விவேக் வீடு, ஜாஸ் சினிமா அலுவலகம், பெங்களூரில் உள்ள கர்நாடக அதிமுக செயலாளர் புகழேந்தியின் வீடு ஆகிய இடங்களிலும் சோதனை நடந்து வருகிறது. மேலும் தி.நகரில் உள்ள இளவரசியின் மகள் கிருஷ்ணப்பிரியா வீட்டிலும் சோதனை நடைபெறுகிறது. இவரது வீட்டில் தான் சசிகலா பரோலில் வந்தபோது தங்கியிருந்தார் என்பது குறிப்பிடத்தக்கது.
மேலும் மன்னார்குடியில் உள்ள சசிகலாவின் சகோதரர் திவாகரன் வீடு, நமது எம்ஜிஆர் அலுவலகம், டிடிவி தினகரன் வீடு, உள்ளிட்ட இடங்களில் வருமான வரி சோதனை நடந்து வருவதாகவும், இந்த சோதனை பணியில் தமிழகம் முழுவதும் 100க்கும் மேற்பட்ட வருமானவரித்துறை அதிகாரிகள் ஈடுபட்டு வருவதாகவும் தகவல்கள் கிடைத்துள்ளது.