சூப்பர் ஸ்டார் ரஜினிகாந்த் நடித்த ’வேட்டையன்’ திரைப்படம் ஆயுத பூஜை விடுமுறை தினத்தில் வெளியாகி மிகப்பெரிய வெற்றி பெற்ற நிலையில் தற்போது இந்த படம் ஓடிடியில் ரிலீஸ் ஆகிறது. நவம்பர் 8 முதல் அதாவது நாளை முதல் ’வேட்டையன்’ படத்தை ஓடிடியில் பார்க்கலாம். அதே போல் தமிழில் இந்த ஒரு படம் மட்டுமே இந்த வாரம் ரிலீஸ் ஆகும் நிலையில் மற்ற மொழி படங்கள் என்னென்ன என்பதை தற்போது பார்ப்போம்.

ஹாட்ஸ்டார் ஓடிடியில் ’ஏஆர்.எம்’ என்ற மலையாள திரைப்படமும், அமேசான் ப்ரைமில் ‘குமாஸ்தான்’ என்ற மலையாள படமும், ‘விவேகனந்தன் விரலனு’ என்ற மலையாள படமும் வெளியாகின்றன.

தெலுங்கில் சூப்பர் ஹிட் வெற்றி பெற்ற ‘தேவாரா’ திரைப்படம் நெட்பிளிக்ஸ் ஓடிடியில், ’ஜனக ஐதே கனக’ என்ற தெலுங்கு படம் அமேசான் ப்ரைம் ஓட்டியில், ‘அன்ஸ்டாப்பபிள்’ என்ற தெலுங்கு படம் ஆஹா ஓடிடியில், ‘லைஃப் ஸ்டோரீஸ்’ என்ற தெலுங்கு படம் ஈடிவி வின் என்ற ஓடிடியில் வெளியாகிறது.

மேலும் ‘விஜய் 69’ என்ற இந்தி திரைப்படம் நெட்பிளிக்ஸ் ஓடிடியில் வெளியாகிறது. அதே போல் சமந்தாவின் ‘சிட்டாடல் ஹனி பனி’ என்ற வெப்தொடர் ப்ரைமில் வெளியாகிறது.