கொரோனா வைரஸ் உலகம் முழுவதும் மனித இனத்தையே ஆட்டுவித்து வரும் நிலையில் சமீபத்தில் அமெரிக்காவில் உள்ள மிருகக்காட்சி சாலையில் உள்ள புலி மற்றும் சிங்கங்களுக்கும் கொரோனா பாதிப்பு இருப்பது உறுதி செய்யப்பட்டதாக வெளிவந்த தகவல் பெரும் அதிர்ச்சியை ஏற்படுத்தியது.

மனிதர்களுக்கே கொரோனாவின் ஆபத்தை இன்னும் புரிய வைக்க முடியாமல் அனைத்து நாடுகளின் அரசுகளும் திணறி கொண்டிருக்கும் நிலையில் மிருகங்களுக்கு கொரோனா வைரஸ் பரவினால் அதனால் ஏற்படும் விளைவுகளை நினைத்து பார்க்கவே பயங்கரமாக இருப்பதாக விஞ்ஞானிகளும் மருத்துவர்களும் தெரிவித்தனர்.

இந்த நிலையில் தமிழகம், கேரளா, இமாச்சல்பிரதேசம் ஆகிய மாநிலங்களில் வெளவால்களுக்கு கொரோனா உறுதி செய்யப்பட்டிருப்பதாகவும் இந்த மாநிலங்களில் உள்ள வெளவால்களுக்கு பரிசோதனை செய்ததில் வெளவால்களுக்கு கொரோனா இருப்பது தெரியவந்துள்ளதாகவும் இந்திய மருத்துவ ஆராய்ச்சி கவுன்சில் தெரிவித்துள்ளது. இந்த தகவல் பெரும் அதிர்ச்சியை ஏற்படுத்தியுள்ளது. ஒருவரிடம் இருந்து மிக எளிதாக தொற்றும் கொரோனா வைரஸ் வெள்வால்களிடம் இருந்து மிக வேகமாக பரவுமோ என்ற அச்சம் ஏற்பட்டுள்ளது.