இந்த வாரம் ஓடிடியில் ஒரே ஒரு தமிழ்ப்படம் தான்.. ஆனாலும் செம விருந்து..!
- IndiaGlitz, [Thursday,February 02 2023]
ஒவ்வொரு வாரமும் திரையரங்களில் புதிய திரைப்படங்கள் ரிலீஸ் ஆகி சினிமா ரசிகர்களுக்கு விருந்தாகி வரும் நிலையில் திரையரங்குகளில் ரிலீசான திரைப்படங்கள் ஒரே மாதத்தில் ஓடிடியிலும் ரிலீஸ் ஆகி வருகின்றன என்பதை பார்த்து வருகிறோம். அந்த வகையில் இந்த வாரம் ஒரே ஒரு தமிழ் படம் உள்பட மொத்தம் எட்டு திரைப்படங்கள் ஓடிடியில் ரிலீஸ் ஆகவுள்ளதாக தகவல்கள் வெளியாகி உள்ளன
பிரபு சாலமன் இயக்கத்தில் அஸ்வின், கோவை சரளா நடிப்பில் உருவான ’செம்பி’ திரைப்படம் ஹாட்ஸ்டார் ஓடிடியில் இந்த வாரம் ரிலீசாக உள்ளது. சமீபத்தில் இந்த படம் திரையரங்குகளில் ரிலீஸ் ஆகி நல்ல வரவேற்பு பெற்றது என்பதும் பாசிட்டிவ் விமர்சனங்களை குவித்தது என்பதை தெரிந்ததே. இந்த நிலையில் இந்த படம் தற்போது ஓடிடியில் ரிலீஸ் ஆகியுள்ளதை அடுத்து கோவை சரளாவின் நடிப்பை குடும்பத்துடன் காண வாய்ப்பு உள்ளதால் ரசிகர்களுக்கு செம விருந்து காத்திருக்கின்றது.
மேலும் ‘வீகம்’ என்ற மலையாள திரைப்படம் ஜீ ஓடிடியிலும், ’முகசித்திரம்’ என்ற மலையாள திரைப்படம் ஆஹா ஓடிடியிலும் ரிலீஸாகவுள்ளது. மேலும் கடந்த ஆண்டு நவம்பரில் ரிலீஸாகி உலகம் முழுவதும் வசூலை வாரிக்குவித்த ஹாலிவுட் திரைப்படமான ‘BlackPanther Wakanda Forever’ என்ற ஆங்கில திரைப்படம் ஹாட்ஸ்டார் ஓடிடியிலும், Viking Wolf என்ற ஆங்கில திரைப்படம் நெட்பிளிக்ஸ் ஓடிடியிலும் ரிலீசாகவுள்ளது.
மேலும் ‘ஜெஹனாபாத்’ என்ற திரைப்படம் நெட்பிளிக்ஸ் ஓடிடியிலும் Infiesto என்ற ஸ்பானிஷ் திரைப்படம் மற்றும் ‘lyle lyle crocodile’ என்ற ஆங்கில திரைப்படம் நெட்பிளிக்ஸ் ஓடிடியில் ரிலீஸாகவுள்ளது.