ஒவ்வொரு வாரமும் திரையரங்குகளில் புதிய திரைப்படங்கள் ரிலீஸ் ஆகி கொண்டிருக்கும் நிலையில் திரையரங்குகளில் ரிலீஸ் ஆன படங்கள் ஒரே மாதத்தில் ஓடிடி தளங்களில் ரிலீஸ் ஆகி வருகிறது என்பதை பார்த்து வருகிறோம். அந்த வகையில் இந்த வாரம் ரிலீஸ் ஆக இருக்கும் படங்கள் குறித்து தற்போது பார்ப்போம்

பிரபாஸ் நடித்த ’சலார்’ திரைப்படம் கடந்த டிசம்பர் மாதம் வெளியான நிலையில் இன்று முதல் இந்த படம் நெட்பிளிக்ஸ் தமிழ், தெலுங்கு உள்பட பல மொழிகளில் ஓடிடியில் ரிலீஸ் ஆகிறது. திரையரங்குகளில் மாபெரும் வெற்றி பெற்ற இந்த படம் ஓடிடியில் எந்த அளவுக்கு வரவேற்பு வருகிறது என்பதை பொறுத்திருந்துதான் பார்க்க வேண்டும்.

இந்த நிலையில் கடந்த டிசம்பர் மாதம் வெளியான இன்னொரு தமிழ்ப்படம் ‘ஓடவும் முடியாது ஒளியவும் முடியாது’. ரமேஷ் வெங்கட் இயக்கத்தில் உருவான இந்த படத்தில் விஜயகுமார் ராஜேந்திரன், எருமை சாணி ஹரிதா உள்பட பலர் நடித்துள்ளனர். இந்த வாரம் இரண்டு தமிழ் படம் மட்டுமே ரிலீஸ் ஆக இருக்கும் நிலையில் மற்ற மொழி திரைப்படங்கள் குறித்து தற்போது பார்ப்போம்

அமேசான் ப்ரைமில் இந்த வாரம் ‘இந்தியன் போலீஸ் ஃபோர்ஸ்’ என்ற இந்தி திரைப்படமும், மனோரமா மேக்ஸ் ஓடிடியில் ‘பிலிப்ஸ்’ என்ற மலையாள திரைப்படமும், ஹாட்ஸ்டாரில் ‘எக்ஸ்ட்ரா ஆர்டினரி மேன்’ என்ற தெலுங்கு படமும் ஜியோ சீரீஸ் ஓடிடியில் ‘ஜாப்மிலாட்டு’ என்ற இந்தி படமும் வெளியாகிறது.