'ஜெயிலர்' உள்பட எத்தனை தமிழ் திரைப்படங்கள்.. இந்த வார ஓடிடி ரிலீஸ் தகவல்..!
- IndiaGlitz, [Thursday,September 07 2023]
ஒவ்வொரு வாரமும் திரையரங்குகளில் ரிலீசான சூப்பர் ஹிட் படங்கள் ஓடிடி தளங்களில் ரிலீஸ் ஆகி வருகிறது என்பதை பார்த்து வருகிறோம். அந்த வகையில் ஆகஸ்ட் 10ஆம் தேதி சூப்பர் ஸ்டார் ரஜினியின் ’ஜெயிலர்’ திரைப்படம் திரையரங்குகளில் வெளியாகி மிகப்பெரிய வெற்றி பெற்ற நிலையில் இந்த படம் இந்த வாரம் அமேசான் பிரைம் ஓடிடியில் வெளியாக உள்ளது.
அதேபோல் பரத், வாணி போஜன் நடித்த ’லவ்’ என்ற திரைப்படம் ஆஹா ஓடிடியில் வெளியாக உள்ளது. மேலும் காதம்பரி ஆதர்ஷ் மதிகாந்தம் உள்பட பலர் நடிப்பில் உருவான ’நாயாடி’ என்ற திரைப்படம் சிம்ப்ளி சவுத் ஓடிடியில் வெளியாகவுள்ளது.
மேலும் ஜீ5 தளத்தில் ‘ஹட்டி’ நேரடி டிஜிட்டல் திரைப்படம் வெளியாகவுள்ளது. இதில் அனுராக் காஷ்யப், நவாசுதீன் சித்திக் முக்கிய வேடங்களில் நடித்துள்ளனர். இந்த நேரடி டிஜிட்டல் திரைப்படம் தமிழ் உள்பட ஐந்து இந்திய மொழிகளில் வெளியாகிறது.
மேலும் ‘ஷவம்’ என்ற மலையாள படம் ஐஸ்ட்ரீம் ஓடிடியிலும், ‘விவாஹ அவஹனம்’ என்ற மலையாள திரைப்படம் மற்றும் ‘உரு’ என்ற மலையாள திரைப்படம் ஹெச்.ஆர் ஓடிடியில் வெளியாகவுள்ளது.