'கஸ்டடி' உள்பட 3 தமிழ்ப்படங்கள்.. இந்த வார ஓடிடி ரிலீஸ் குறித்த முழு தகவல்கள்..
- IndiaGlitz, [Thursday,June 08 2023]
ஒவ்வொரு வாரமும் திரையரங்குகளில் புதிய திரைப்படங்கள் வெளியாகி கொண்டிருக்கும் நிலையில் திரையரங்குகளில் வெளியான ஒரே மாதத்தில் ஓடிடியில் திரைப்படங்கள் வெளியாகி வருகின்றன என்பதை பார்த்து வருகிறோம். அந்த வகையில் வெங்கட் பிரபுவின் 'கஸ்டடி’ உட்பட இந்த வாரம் மூன்று தமிழ் படங்கள் உள்பட என்னென்ன திரைப்படங்கள் ஓடிடியில் ரிலீஸ் ஆகின்றன என்பது குறித்து தற்போது பார்ப்போம்.
வெங்கட் பிரபு இயக்கத்தில் நாக சைதன்யா நடித்த 'கஸ்டடி’ என்ற திரைப்படம் கடந்த மாதம் திரையரங்குகளில் வெளியான நிலையில் இந்த படம் அமேசான் பிரைம் ஓடிடியில் வெளியாக உள்ளது. அதேபோல் ’அடைமழை காலம்’ மற்றும் ’மாலை நேர மல்லி பூ ’ஆகிய தமிழ் படங்களும் நெட்பிளிக்ஸ் மற்றும் ஆஹா ஓடிடி தளங்களில் வெளியாக உள்ளது என்பதை குறிப்பிடத்தக்கது.
மேலும் மலையாள திரையுலகில் வசூல் புரட்சி செய்த ’2018’ என்ற திரைப்படம் இந்த வாரம் ஓடிடியில் வெளியாகவுள்ளது ரசிகர்களுக்கு மிகப்பெரிய ஆச்சரியம் என்பது குறிப்பிடத்தக்கது.
மேலும் ஹாட்ஸ்டாரில் Avatar 2, ஆஹா ஓடிடியில் ‘மென் டு’ என்ற தெலுங்கு படம், ஜியோ சினிமாவில் ‘பிளடி டாடி’ என்ற இந்தி படம் ஆகியவையும் இந்த வார ஓடிடியில் ரிலீஸ் ஆகிறது. மேலும் ஜீ5 ஓடிடியில் ’Gunehgaar’ என்ற இந்தி படமும் இந்த வார ஓடிடி பட்டியலில் உள்ளது.