சென்னை உள்பட தமிழகத்தின் பெரும்பாலான பகுதிகளில் தொடர்ந்து ஒருவாரமாக கனமழை பெய்து வருவதை அடுத்து கடந்த நான்கு நாட்களாக பல பகுதிகளில் பள்ளிகளுக்கு விடுமுறை அளிக்கப்பட்டிருந்தது. இந்த நிலையில் நேற்றிரவு முதல் தொடர்ந்து சென்னையின் பல பகுதிகளில் மழை பெய்து கொண்டிருப்பதால் இன்று ஐந்தாவது நாளாக பள்ளிகளுக்கு விடுமுறை என சென்னை மாவட்ட ஆட்சித்தலைவர் அன்புசெல்வன் அறிவித்துள்ளார்

சென்னை மட்டுமின்றி திருவள்ளூர், காஞ்சிபுரம் மற்றும் திருவாரூர் மாவட்டங்களுக்கும் அந்தந்த மாவட்ட ஆட்சித்தலைவர்கள் பள்ளிகளுக்கு விடுமுறை அளித்துள்ளனர். மேலும் மழையின் தீவிரத்தை பொறுத்து மற்ற மாவட்ட ஆட்சித்தலைவர்கள் பள்ளிகளுக்கு விடுமுறை அளிப்பது குறித்து முடிவெடுப்பார்கள் என்று அறிவிக்கப்பட்டுள்ளது

இருப்பினும் இன்று திட்டமிட்டபடி அண்ணா பல்கலைக்கழக தேர்வுகள் நடைபெறும் என்று தேர்வு கட்டுப்பாட்டு அலுவலர் தெரிவித்துள்ளார். ஆனால் அதே நேரத்தில் இன்று நடைபெறுவதாக இருந்த சட்டப்பல்கலைக்கழக தேர்வுகள் ஒத்திவைக்கப்பட்டுள்ளதாக அறிவிக்கப்பட்டுள்ளது.