ஓகி புயல் மற்றும் கனமழை காரணமாக நேற்று முதல் குமரி மாவட்டம் உள்பட தென்மாவட்டங்களில் சூறாவளி காற்றுடன் கூடிய கனமழை பெய்து வருகிறது. இந்த நிலையில் கனமழை காரணமாக  நேற்று எட்டு மாவட்டங்களுக்கு பள்ளிகள் விடுமுறை அளிக்கப்பட்ட நிலையில் இன்று சென்னை உள்பட 9 மாவட்டங்களுக்கு பள்ளிகள் விடுமுறை என அந்தந்த மாவட்ட ஆட்சித்தலைவர்கள் அறிவித்துள்ளனர்.

தொடர் மழை காரணமாக சென்னை, நெல்லை, கன்னியாகுமரி, தூத்துக்குடி,தேனி, விழுப்புரம், மதுரை, காஞ்சிபுரம், திண்டுக்கல் ஆகிய மாவட்டங்களில் உள்ள பள்ளிகளுக்கு இன்று விடுமுறை அளித்து மாவட்ட ஆட்சியர்கள் சற்றுமுன்னர் உத்தரவு பிறப்பித்துள்ளனர்.

மேலும் இன்று நடைபெறுவதாக இருந்த நெல்லை மனோன்மணியம் சுந்தரனார் பல்கலைக்கழகத் தேர்வுகள் ஒத்திவைக்கப்படுவதாக துணைவேந்தர் பாஸ்கர் அறிவித்துள்ளார். இந்த தேர்வின் தேதி பின்னர் அறிவிக்கப்படும் என தெரிகிறாது.