ஜெயம் ரவி நடித்த ‘பிரதர்’ திரைப்படம் உள்பட ஐந்து திரைப்படங்கள் இந்த வாரம் ஓடிடியில் ரிலீஸ் ஆக இருப்பதை அடுத்து ரசிகர்கள் மகிழ்ச்சி அடைந்துள்ளனர்.

ஜெயம் ரவி நடிப்பில் ராஜேஷ் எம் இயக்கத்தில் உருவான ‘பிரதர்’ திரைப்படம் கடந்த தீபாவளி அன்று வெளியான நிலையில் இந்த படம் இன்று ஜி5 ஓடிடியில் வெளியாகிறது.

அதேபோல் தீபாவளி விருந்தாக வெளியான கவின் நடித்த ’பிளடி பெக்கர்’ திரைப்படம் அமேசான் பிரைம் ஓடிடியில் இந்த வாரம் வெளியாக உள்ளது என்பது குறிப்பிடத்தக்கது.

மேலும் பிரசாந்த் நடித்த ’அந்தகன்’ திரைப்படம் அமேசான் பிரைம் ஓடிடியில், 'தீபாவளி போனஸ்’ என்ற திரைப்படம் ஆகா ஓடிடியில், ‘பாராசூட்’ என்ற ஹாட் ஸ்டார் சீரியஸ் இன்று வெளியாகிறது. மேலும் ஆஹா ஓடிடியில், ‘ஷ்’ என்ற தமிழ் திரைப்படமும் வெளியாகிறது என்பது குறிப்பிடத்தக்கது

மேலும் ’லக்கி பாஸ்கர்’ என்ற தெலுங்கு படம் நெட்பிளிக்ஸ் ஓடிடியில், ’KA' என்ற தெலுங்கு படம் ஈடிவி வின் ஓடிடியில், 'சண்டேஹம்’ என்ற தெலுங்கு படம் ஈடிவி வின் ஓடிடியில், ’விகடகவி’ என்ற தெலுங்கு படம் ஜீ5 ஓடிடியில், ’அப்புடு இப்புடு எப்புடு’ என்ற தெலுங்கு படம் ப்ரைமில் வெளியாகும்.