ஒவ்வொரு வெள்ளிக்கிழமையும் திரையரங்குகளில் புதிய திரைப்படங்கள் வெளியாகிக் கொண்டிருக்கும் நிலையில் ஒவ்வொரு வாரமும் திரையரங்குகளில் வெளியான ஒரே மாதத்தில் ஓடிடி தளத்தில் புதிய திரைப்படங்கள் ரிலீஸ் ஆகி வருகின்றன என்பதை பார்த்து வருகிறோம். கடந்த மாதம் வெளியான அசோக்செல்வனின் ’ப்ளூ ஸ்டார்’ உட்பட இந்த வாரம் ஓடிடி ரிலீஸ் குறித்த விபரங்களை தற்போது பார்ப்போம்.

அசோக்செல்வன், சாந்தனு பாக்யராஜ் , கீர்த்தி பாண்டியன் உட்பட பலர் நடிப்பில் உருவான ’ப்ளூ ஸ்டார்’ திரைப்படம் திரையரங்குகளில் கடந்த மாதம் வெளியாகி நல்ல வரவேற்பை பெற்ற நிலையில் அமேசான் பிரைம் ஓடிடி தளத்தில் இன்று வெளியாகிறது. இந்த படம் ஓடிடியில் நல்ல வரவேற்பை பெரும் என்று எதிர்பார்க்கப்படுகிறது

அதேபோல் ’மை நேம் இஸ் சுருதி’ என்ற ஹன்சிகா முக்கிய வேடத்தில் நடித்த தமிழ் திரைப்படம் கடந்த ஆண்டு வெளியான நிலையில் இந்த படம் இன்று ஆஹா ஓடிடியில் வெளியாகிறது. மேலும் ’எனக்கு எண்டே கிடையாது’ என்ற தமிழ் திரைப்படம் அமேசான் பிரைமில் வெளியாக இருக்கிறது என்பது குறிப்பிடத்தக்கது

மேலும் ரவிதேஜா நடித்த ‘ஈகிள்’ என்ற தெலுங்கு திரைப்படம் அமேசான் ப்ரைம் ஓடிடியில், ‘கேம் ஆன்’ என்ற தெலுங்கு திரைப்படம் அமேசான் ப்ரைம் ஓடிடியில், ’பூட்கட் பாலராஜூ’ என்ற தெலுங்கு திரைப்படம் ஆஹா ஓடிடியில் ‘அம்பாஜிபேட்ட மேரேஜ் பேண்ட்’ என்ற தெலுங்கு திரைப்படம் ஆஹா ஓடிடியில் வெளியாகிறது.