వాలీబాల్ ఆట నేపథ్యంలో..
- IndiaGlitz, [Monday,January 22 2018]
బెల్లంకొండ శ్రీనివాస్.. నటించింది మూడు సినిమాలే అయినా తనకంటూ ఒక ఇమేజ్ ని సొంతం చేసుకున్న యువ క‌థానాయ‌కుడు. తను నటించిన ఈ మూడు సినిమాలు కూడా 30 కోట్ల రూపాయలకు తక్కువ కాకుండా తెరకెక్కాయంటే.. ఈ యంగ్ హీరో మార్కెట్ అర్ధం చేసుకోవచ్చు. బెల్లంకొండ సురేష్ తనయుడిగా ఫిలిం ఇండస్ట్రీలో అడుగుపెట్టి....వరుస సినిమాలతో దూసుకుపోతున్నాడు శ్రీనివాస్. ప్రస్తుతం శ్రీవాస్ డైరెక్షన్లో సాక్ష్యం' సినిమాలో నటిస్తున్నాడు ఈ యంగ్ హీరో. వేస‌వి సంద‌ర్భంగా ఈ సినిమా తెర‌పైకి రానుంది.
ఇదిలా ఉంటే....రాజుగారి గది' తెరకెక్కించిన ఓంకార్ దర్శకత్వంలో.. శ్రీనివాస్ హీరోగా క్రీడా నేపథ్యంలో ఓ సినిమా తెర‌కెక్క‌నున్న సంగ‌తి తెలిసిందే. తాజా సమాచారం ప్ర‌కారం.. ఈ మూవీలో శ్రీనివాస్ ఒక వాలీబాల్ ఆటగాడిగా కనిపించనున్నట్లు సమాచారం. ఈ నేపథ్యంలో కథని తెరకెక్కించడం ఓంకార్ కి కొత్త, అలాగే తనకి కూడా కొత్తగానే ఉందని.. ఈ చిత్రం ప్రేక్షకులకి కూడా ఒక కొత్త అనుభూతిని ఇస్తుందని మీడియాకి తెలిపారు శ్రీనివాస్. సత్యసాయి ఆర్ట్స్ పతాకంపై రాధా మోహన్ ఈ మూవీని నిర్మించనున్నారు.