`శ్రీమంతుడు, జ‌న‌తాగ్యారేజ్` రీసెంట్‌గా `రంగ‌స్థ‌లం` చిత్రంతో హ్యాట్రిక్ హిట్స్ సాధించిన నిర్మాణ సంస్థ మైత్రీ మూవీ మేక‌ర్స్. ఇప్ప‌టి వ‌ర‌కు కేవ‌లం భారీ చిత్రాల‌ను మాత్ర‌మే నిర్మిస్తూ వ‌చ్చిన ఈ సంస్థ ఇప్పుడు చిన్న చిత్రాల నిర్మాణం వైపు దృష్టి సారించింది. వివ‌రాల్లోకెళ్తే.. కొత్త న‌టీన‌టులు, సాంకేతిక నిపుణుల‌తో లో బ‌డ్జెట్‌లో ఓ సినిమాను నిర్మించ‌నుంది.

రితేష్ అనే డెబ్యూ డైరెక్ట‌ర్‌తో చేయ‌బోయే సినిమాకు సంబంధించిన ప్రీ ప్రొడ‌క్ష‌న్ ప‌నులు జ‌రుగుతున్నాయి. స‌మాచారం ప్ర‌కారం ఈ చిత్రం అక్టోబ‌ర్ లేదా న‌వంబ‌ర్ నెల‌లో ప్రారంభం కానుంది. ఒక వైపు భారీ, మీడియం బ‌డ్జెట్ చిత్రాల‌ను నిర్మించే సంస్థ చిన్న చిత్రాల‌ను నిర్మించాల‌నుకోవ‌డం మంచి పరిణామమే క‌దా!!.