ప‌వ‌న్ సినిమా రీమేక్‌లో...
- IndiaGlitz, [Wednesday,August 15 2018]
ప‌వ‌ర్‌స్టార్ ప‌వ‌న్‌క‌ల్యాణ్ కెరీర్‌లో బిగ్గెస్ట్ బ్లాక్ బ‌స్ట‌ర్ 'అత్తారింటికి దారేది' . 2013లో విడుద‌లైన ఈ సినిమా అప్ప‌ట్లో స‌రికొత్త రికార్డుల‌కు నాంది ప‌లికింది. ఐదేళ్ల త‌ర్వాత త‌మిళంలో ఈ సినిమాను రీమేక్ చేస్తుండ‌టం విశేషం. ప్రముఖ నిర్మాణ సంస్థ లైకా ప్రొడ‌క్ష‌న్స్ ఈ సినిమా హ‌క్కుల‌ను సొంతం చేసుకుంది.
ద‌ర్శ‌కుడు సుంద‌ర్‌.సి సినిమాను డైరెక్ట్ చేస్తుండ‌గా.. న‌దియా పాత్ర‌లో ఖుష్బూ న‌టిస్తున్నారు. ఇక ప‌వ‌న్ క‌ల్యాణ్ పాత్ర‌లో హీరో శింబు క‌నిపించ‌బోతున్నారు. త్వ‌ర‌లోనే సినిమా షూటింగ్ స్టార్ట్ కానుంది. సినిమాను వ‌చ్చే ఏడాది సంక్రాంతికి విడుద‌ల చేయ‌డానికి స‌న్నాహాలు చేస్తున్నామ‌ని నిర్మాణ సంస్థ లైకా ప్రొడ‌క్ష‌న్స్ ప్ర‌క‌టించింది.