ఉన్న‌ట్టా... లేన‌ట్టా...
- IndiaGlitz, [Wednesday,April 10 2019]
నాగ‌శౌర్య హీరోగా మొద‌లైన ఓ చిత్రం ఆగిపోయింద‌ని వార్త‌లు వ‌స్తున్నాయి. గోపీచంద్‌తో ప‌లు సినిమాలు చేసిన భ‌వ్య క్రియేష‌న్స్ ఆ మ‌ధ్య నాగ‌శౌర్య హీరోగా ఓ సినిమా మొద‌లుపెట్టింది. వి. ఆనంద‌ప్ర‌సాద్ నిర్మాత‌గా వ్య‌వ‌హ‌రించారు. కూక‌ట్‌ప‌ల్లిలోని వెంక‌టేశ్వ‌ర స్వామి ఆల‌యంలో ఈ సినిమాను సింపుల్‌గా మొద‌లుపెట్టారు. ఒక షెడ్యూల్ షూటింగ్ కూడా జ‌రిగింది. ఆ త‌ర్వాత ఆనంద ప్ర‌సాద్ ఎన్నిక‌ల‌తో బిజీ అయ్యారు. నిర్మాత ఎన్నికల హ‌డావిడిలో ఉండ‌టంతో షెడ్యూల్ కూడా ఆగిపోయింది.
ఆ త‌ర్వాత ఎన్నిక‌ల్లో ఆయ‌న ఓడిపోయారు. దాంతో మళ్లీ త‌దుప‌రి షెడ్యూల్ ఊసే లేకుండా పోయింది. ఇప్పుడు ఆ సినిమా ఉన్న‌ట్టో, లేన‌ట్టో హీరోకి, ద‌ర్శ‌కుడికి కూడా అర్థం కాని ప‌రిస్థ‌తి ఉంద‌ట. ఆల్రెడీ నాగ‌శౌర్య హీరోగా న‌టించాల్సిన మ‌రో ప్రాజెక్ట్ కూడా అట‌కెక్కింద‌ని స‌మాచారం. ప్ర‌స్తుతం సమంత న‌టిస్తున్న 'ఓ బేబి', అవ‌స‌రాల శ్రీనివాస్ ద‌ర్శ‌క‌త్వంలో మ‌రో సినిమా నాగ‌శౌర్య చేతిలో ఉన్నాయి. చ‌లో త‌ర్వాత స‌రైన స‌క్సెస్ కోసం వెయిట్ ఛేస్తున్నారు నాగ‌శౌర్య.