మాఫియా నేప‌థ్యంలో...
- IndiaGlitz, [Saturday,March 02 2019]
బెల్లంకొండ శ్రీనివాస్ హీరోగా ఇప్పుడు త‌మిళ చిత్రం 'రాక్షసన్' రీమేక్ తెర‌కెక్క‌నుంది. దీంతో పాటు స్టూవ‌ర్టుపురం దొంగ టైగ‌ర్ నాగేశ్వ‌ర‌రావు జీవిత‌క‌థ‌ను ఆధారంగా చేసుకుని టైగ‌ర్ సినిమాను రూపొందించ‌నున్నారు. ఈ చిత్రాలే కాకుండా 'ఆర్‌.ఎక్స్ 100' ఫేమ్ అజ‌య్ భూప‌తి ద‌ర్శ‌క‌త్వంలో బెల్లంకొండ శ్రీనివాస్ హీరోగా ఓ సినిమా రూపొంద‌నుంది.
ఈ సినిమా మాఫియా బ్యాక్‌డ్రాప్‌లో సాగుతుంద‌ట. శ్రీనివాస్ మీద చిత్రీక‌రించే స‌న్నివేశాలు యాక్ష‌న్ ఓరియెంటెడ్‌గా ఉంటాయ‌ని చిత్ర యూనిట్ వ‌ర్గాలు అంటున్నాయి. ముందుగా రమేష్ వ‌ర్మ ద‌ర్శ‌క‌త్వంలో రాక్షసన్ రీమేక్ తెర‌కెక్క‌నుంది. త‌ర్వాత టైగ‌ర్ సినిమా ఉంటుంది. ఈ టైగ‌ర్ చిత్రంలో రేణుదేశాయ్ కూడా న‌టించ‌నుండ‌టం విశేషం.