హిందీ సినిమా రీమేక్‌లో ....
- IndiaGlitz, [Thursday,March 21 2019]
కోలీవుడ్ భామ త్రిష.. తెలుగు ప్రేక్ష‌కుల‌కు సుప‌రిచితురాలే. ఈమె గ్లామ‌ర్ పాత్ర‌ల కంటే హీరోయిన్ ఓరియెంటెడ్ చిత్రాల‌కే ఎక్కువ ప్రాదాన్యం ఇస్తుంది. ఈ కోవ‌లో త్రిష ఓ హిందీ సినిమా రీమేక్‌లో న‌టిస్తుంది. అమితాబ్ బచ్చన్, తాప్సీ ప్ర‌ధాన పాత్ర‌ధారులుగా తెర‌కెక్కిన బ‌ద్లా చిత్రాన్ని తెలుగు, తమిళంలో రీమేక్ చేయాల‌నుకుంటున్నార‌ట.
హిందీలో తాప్సీ చేసిన పాత్ర‌లో త్రిష న‌టించ‌నుంద‌ట. మ‌రి అమితాబ్ పాత్ర‌లో ఎవ‌రు న‌టిస్తార‌నే దానిపై ఇంకా క్లారిటీ రాలేదు. త‌న బాయ్ ఫ్రెండ్‌ను హ‌త్య చేసిందంటూ తాప్సీపై కేసు న‌మోదు అవుతుంది.. ఆమెను కాపాడ‌టానికి లాయ‌ర్‌గా వ‌చ్చిన అమితాబ్ బచ్చన్ ఏం చేశాడ‌నేదే బ‌ద్లా సినిమా. ఇక్క‌డ మ‌రో విష‌య‌మేమంటే.. ఇప్ప‌టికే అమితాబ్, తాప్సీ ప్ర‌ధాన పాత్ర‌ధారులుగా న‌టించిన పింక్ సినిమాను తమిళంలో రీమేక్ చేస్తున్నారు.