మెగాస్టార్ చిరంజీవి `సైరా నరసింహారెడ్డి` పోస్ట్ ప్రొడక్షన్ కార్యక్రమాలు శరవేగంగా జరుగుతున్నాయి. మరోవైపు ఆయన 152వ సినిమా ప్రీ ప్రొడక్షన్ పనులు కూడా వేగంగా జరుగుతున్నాయి. ఈ సినిమాకు సంబంధించి ఓ వార్త హల్ చల్ చేస్తుంది. కొరటాల శివ దర్శకత్వంలో తెరకెక్కబోయే ఈ చిత్రంలో కీలక పాత్ర ఉందట. ఈ పాత్రలో నటించమని డైరెక్టర్ చరణ్‌ను రిక్వెస్ట్ చేశాడట. చరణ్‌కు పాత్ర బాగా నచ్చినా, చేయాలా? వద్దా? అనే ఆలోచనలో ఉన్నాడట.

ఇప్పటికే చిరంజీవి, చరణ్ కలిసి `మగధీర`, `బ్రూస్‌లీ`, `ఖైదీ నంబర్ 150` చిత్రాల్లో నటించారు. అంతా ఓకే అయితే చిరుతో చరణ్ కలిసి నటించే నాలుగో చిత్రమిదే అవుతుంది. చిరంజీవి పుట్టినరోజు ఆగస్ట్ 22న ఈ సినిమా ప్రారంభం కానుందట. రెగ్యులర్ షూటింగ్ మాత్రం సెప్టెంబర్ లేదా అక్టోబర్‌లో ప్రారంభమవుతుందని టాక్. హీరోయిన్‌గా నయనతార పేరే ప్రముఖంగా వినపడుతుంది మరి. రామ్‌చరణ్, నిరంజన్ రెడ్డి సంయుక్తంగా ఈ చిత్రాన్ని నిర్మిస్తున్నారు.