‘బాహుబలి’ సిరీస్‌తో తన దర్శకత్వ ప్రతిభను ప్రపంచం నలుమూలలా చాటిన దర్శకుడు రాజమౌళి. తన తదుపరి చిత్రాన్ని యంగ్ టైగర్ ఎన్టీఆర్, మెగా పవర్‌స్టార్ రామ్‌చరణ్‌లతో చేయనున్నారని ఎన్నో వార్తలు వచ్చాయి. అయితే ఈ చిత్రంపై ఇంతవరకు మౌనాన్ని ప్రదర్శించారు ఈ దర్శకుడు. తాజాగా ఈ సినిమాకి సంబంధించిన వీడియోను విడుదల చేసి.. ఈ చిత్రాన్ని చేస్తున్నట్టు అధికారికంగా ప్ర‌క‌టించారు.

ఇదిలా ఉంటే..  ఇంతవరకు ఎన్టీఆర్ నటించిన సినిమాల్లో.. ఎక్కువసార్లు (మూడు సార్లు) అత‌నిని డైరెక్ట్ చేసిన‌ దర్శకుల జాబితాలో కేవలం ఇద్దరే ఉన్నారు. వారే రాజమౌళి, వి.వి.వినాయక్. ఈ సినిమాతో వినాయక్‌ను వెనక్కు నెట్టేశారు రాజమౌళి. తాజాగా చేస్తున్న చిత్రంతో.. ఎన్టీఆర్‌ను ఎక్కువ సినిమాల కోసం (నాలుగు సినిమాలు) డైరెక్ట్ చేసిన దర్శకుడిగా రాజమౌళి ప్రథ‌మ స్థానంలో నిలిచిన‌ట్ల‌వుతోంది. అలాగే.. రామ్‌చరణ్‌ను రెండోసారి డైరెక్ట్ చేసిన తొలి ద‌ర్శ‌కుడు కూడా రాజమౌళినే కావ‌డం విశేషం.