கடந்த சில நாட்களாக நடைபெற்று வரும் ஐபிஎல் கிரிக்கெட் போட்டிகளில் தினமும் ஒரு அணி வெற்றி பெற்றுக்கொண்டுதான் இருக்கின்றது. ஆனால் தல தோனியின் சென்னை சூப்பர் கிங்ஸ் அணி வெற்றி பெற்றால் மட்டுமே அது தலைப்பு செய்தியாக மாறுகிறது. குறிப்பாக தோனி ஃபினிஷிங் செய்த மேட்ச் என்றால் சொல்லவே வேண்டாம். பலமணி நேரம் டுவிட்டரில் டிரெண்ட் ஆக இருக்கும்

இந்த நிலையில் கடந்த சில நாட்களாக தமிழில் டுவீட் போட்டு அசத்தி வரும் சிஎஸ்கே அணி வீரர்களில் ஒருவரான இம்ரான் தாஹிர் நேற்றைய வெற்றிக்கு பின்னர் தனது டுவிட்டரில் 'சிங்கம்' பட பாணியில் கூறியதாவது

காட்டுல வேட்டையாடுற சிங்கம் பார்த்திருப்ப, காக்கிச்சட்டை போட்ட சிங்கம் பார்த்திருப்ப, மஞ்ச சட்டை போட்ட மகேந்திர சிங்கம் பாத்திருக்கியா? ஓங்கி அடிச்சா 110 மீட்டர் தூரம் 6 டா, பாக்குறியா? இது பொசுக்குற கூட்டம், கொஞ்சம் தள்ளி நில்லு கண்ணா! எடுடா வண்டியா, போடுடா விசில்' என்று கூறியுள்ளார். இம்ரான் தாஹிரின் இந்த டுவீட் தற்போது இணையதளங்களில் வைரலாகி வருகிறது