இன்று மாலை 5 மணிக்கு 'வேதாளம்' பற்றிய முக்கிய தகவல்
- IndiaGlitz, [Wednesday,October 14 2015]
சிறுத்தை சிவா இயக்கத்தில் அஜீத் நடித்துள்ள 'வேதாளம்' திரைப்படத்தின் பாடல் வெளியீடு இந்த படத்தின் இசையமைப்பாளர் அனிருத்தின் பிறந்தநாளான அக்டோபர் 16ஆம் தேதி வெளியாகவுள்ளது என்பது அதிகாரபூர்வமாக அறிவிக்கப்பட்டுள்ள நிலையில் இந்த படத்தின் பாடல்களின் டிராக் லிஸ்ட் இன்று மாலை ஐந்து மணிக்கு வெளியாகவுள்ளதாக கூறப்படுகிறது.
இன்று டிராக் லிஸ்ட்டும், நாளை ஆடியோ டீசரும், நாளை மறுநாள் பாடல்களும் வெளியாகவுள்ளதால் மூன்று நாட்களும் அஜீத் ரசிகர்களுக்கு 'வேதாளம்' நாட்கள்தான் என்பது குறிப்பிடத்தக்கது.
இந்த படத்தில் நான்கு பாடல்கள் மற்றும் 'வேதாளம்' தீம் மியூசிக் இருப்பதாக கூறப்படுகிறது. முதல்முறையாக அஜீத் படத்திற்கு இசையமைத்துள்ள அனிருத், பாடல்களை பட்டையை கிளப்பும் வகையில் கம்போஸ் செய்திருப்பார் என நம்புவோம்.