'வேதாளம்' படம் குறித்த முக்கிய தகவல்
- IndiaGlitz, [Sunday,October 25 2015]
அஜீத், ஸ்ருதிஹாசன் நடித்த 'வேதாளம்' திரைப்படத்தின் படப்பிடிப்புகள் சமீபத்தில் முடிவடைந்து போஸ்ட் புரடொக்ஷன்ஸ் பணிகள் இரவுபகலாக விறுவிறுப்பாக நடைபெற்று வரும் நிலையில், இந்த படத்தின் டப்பிங் பணிகள் முற்றிலும் முடிந்துவிட்டதாகவும், பின்னணி இசை கோர்ப்பு பணிகள் நடந்து வருவதாகவும் கூறப்படுகிறது.
இந்நிலையில் நேற்று அஜீத், 'வேதாளம்' படத்தை முழுவதுமாக பார்த்ததாகவும், படத்தை பார்த்தபின்னர் அவர் இயக்குனர் சிவாவை பாராட்டியதாகவும் கூறப்படுகிறது. இந்த படத்தின் ஃபைனல் காப்பி தயாராகிவிட்டதாகவும், அடுத்த வாரத்தில் இந்த படம் சென்சாருக்கு அனுப்பப்படவுள்ளதாகவும் கூறப்படுகிறது.
சென்சார் செய்யப்பட்டவுடன் இந்த படத்தின் ரிலீஸ் தேதி அதிகாரபூர்வமாக அறிவிக்கப்படவுள்ளது. இந்த படம் தயாரிப்பாளரின் வியாழக்கிழமை செண்டிமெண்ட்படி நவம்பர் 5ஆம் தேதி வியாழக்கிழமை ரிலீஸ் ஆகுமா? அல்லதி தீபாவளி தினமான நவம்பர் 10ஆம் தேதி ரிலீஸ் ஆகுமா? என்பது இன்னும் சில நாட்களில் தெரிந்துவிடும். இந்நிலையில் இந்த படத்தின் டிரைலர் வரும் 29ஆம் தேதி அதிகாலை 12.00 மணிக்கு வெளியாகும் என கூறப்படுகிறது.
அஜீத், ஸ்ருதிஹாசன், லட்சுமிமேனன், கபீர்சிங், சூரி, தம்பிராமையா, ராகுல்தேவ் உள்பட பலர் நடித்துள்ள இந்த படத்தை சிறுத்தை சிவா இயக்கி வருகிறார். அனிருத்தின் இந்த படம் உருவாகியுள்ளது.