'காற்று வெளியிடை' இசை குறித்த முக்கிய தகவல்
- IndiaGlitz, [Wednesday,January 25 2017]
பிரபல இயக்குனர் மணிரத்னம் இயக்கத்தில் கார்த்தி நடித்துள்ள 'காற்று வெளியிடை' படத்தின் படப்பிடிப்பு சமீபத்தில் முடிவடைந்து தற்போது இந்த படத்தின் போஸ்ட் புரடொக்ஷன்ஸ் பணிகள் விறுவிறுப்பாக நடைபெற்று வருகிறது.
மேலும் ஆஸ்கார் நாயகன் ஏ.ஆர்.ரஹ்மான் இசையமைத்த இந்த படத்தின் பாடல்கள் வெளியீடு அடுத்த மாதம் நடைபெறும் என்ற தகவல்கள் வந்து கொண்டிருக்கிறது. இந்நிலையில் இந்த படத்தின் பாடல்கள் உரிமையை சோனி மியூசிக் இந்தியா நிறுவனம் மிகப்பெரிய தொகை கொடுத்து பெற்றுள்ளதாக செய்திகள் வெளிவந்துள்ளது.
மணிரத்னம்-ஏ.ஆர்.ரஹ்மான் கூட்டணி என்றாலே பாடல்களுக்கு மிகப்பெரிய எதிர்பார்ப்பு இருக்கும் என்பது தெரிந்ததே. அந்த எதிர்பார்ப்பை பூர்த்தி செய்யும் வகையில் இந்த படத்தின் பாடல்கள் இருக்கும் என்று கூறப்படுகிறது.
கார்த்தி, அதிதிராவ் ஹைதி, ஆர்ஜே பாலாஜி, டெல்லி கணேஷ் உள்பட பலர் நடித்து வரும் இந்த படத்திற்கு ரவிவர்மன் ஒளிப்பதிவும், ஸ்ரீகர் பிரசாத் படத்தொகுப்பும் செய்துள்ளனர். மெட்ராஸ் டாக்கீஸ் நிறுவனம் தயாரித்துள்ளது இந்த படம் தமிழ், தெலுங்கு என இருமொழிகளில் உருவாகியுள்ளது.