விஜய், ரஜினி, மீண்டும் விஜய். தாணுவின் புதிய கணக்கு
- IndiaGlitz, [Thursday,July 21 2016]
இளையதளபதி விஜய் நடித்த 'தெறி' என்ற படத்தை தயாரித்து கடந்த ஏப்ரல் மாதம் வெளியிட்ட கலைப்புலி எஸ்.தாணு அதன் பின்னர் சூப்பர் ஸ்டார் ரஜினிகாந்த் நடித்த 'கபாலி' என்ற பிரமாண்டமான படத்தை தயாரித்து நாளை வெளியிடவுள்ளார். தெறி ஏற்கனவே பிளாக்பஸ்டர் ஹிட் என்பது தெரிந்ததே. அதேபோல் 'கபாலி'யும் வசூலில் வரலாறு படைக்கும் என எதிர்பார்க்கப்படுகிறது.
இந்நிலையில் 'கபாலி' படத்தை அடுத்து மீண்டும் விஜய் நடிக்கும் படத்தை தாணு தயாரிக்கவுள்ளதாகவும், இந்த படத்தை அட்லி இயக்கவுள்ளதாகவும் உறுதிப்படுத்தாத செய்திகள் கோலிவுட்டில் வலம் வருகின்றன.
'கபாலி' பரபரப்பு முடிந்தவுடன் இதுகுறித்த தகவல் கலைப்புலி எஸ்.தாணுவிடம் இருந்து வெளிவரும் என்று எதிர்பார்க்கப்படுகிறது. இந்த தகவல் உறுதியானால் மீண்டும் 'தெறி' போன்ற அதிரடி படம் ரசிகர்களுக்கு கிடைக்கும் என்பது மட்டும் உறுதி.