இளையதளபதி விஜய் நடித்த 'பைரவா' ஜனவரி 12ஆம் தேதி முதல் உலகம் முழுவதும் வெளியாகவுள்ளது. இந்த ஆண்டில் வெளிவரும் முதல் மாஸ் படம் என்பதால் இந்த படத்தை மிகப்பெரிய அளவில் வரவேற்க விஜய் ரசிகர்கள் தயாராகி வருகின்றனர்.

இந்நிலையில் இந்த படத்தில் பாடலாசிரியர் விவேக் எழுதிய போனஸ் பாடல் இணைக்கப்பட்டுள்ளதாக வெளிவந்த செய்தியை ஏற்கனவே பார்த்தோம். தற்போது இந்த பாடலின் டைட்டில் வெளிவந்துள்ளது.

காதல் குடில்' என்ற வரிகளில் இந்த பாடல் தொடங்குவதாகவும், இந்த பாடல் ஒரு விலைமதிப்பற்ற ஒரு குடும்பத்தின் கனவை கூறும் வகையில் அமைந்துள்ளதாகவும், இந்த பாடல் சந்தோஷ் நாராயணன் இசையில் தான் எழுதும் 25வது பாடல் என்றும் பாடலாசிரியர் விவேக் தனது சமூக வலைத்தளத்தில் தெரிவித்துள்ளார்.

பாடலாசிரியர் விவேக்கின் இந்த விளக்கம் இந்த பாடலுக்கு பெரும் எதிர்பார்ப்பை ஏற்படுத்தியுள்ளது. இந்த ஆண்டு 'பைரவா' பொங்கல் கொண்டாடும் விஜய் ரசிகர்களுக்கு இந்த பாடல் கூடுதல் போனஸ் என்பதில் சந்தேகமில்லை.