தயார் நிலையில் 'பைரவா' டிரைலர். ரிலீஸ் எப்போது?
- IndiaGlitz, [Tuesday,December 27 2016]
இளையதளபதி விஜய் நடித்துள்ள 'பைரவா' திரைப்படத்தின் டீசர் மற்றும் பாடல்கள் சூப்பர் ஹிட் ஆகியுள்ள நிலையில் இந்த படம் வரும் பொங்கல் தினத்தில் உலகம் முழுவதும் பிரமாண்டமாக வெளியாகவுள்ளது.
இந்நிலையில் இந்த படத்தின் டிரைலர் ரிலீஸ் எப்போது என்பதே கோடிக்கணக்கான விஜய் ரசிகர்களின் எதிர்பார்ப்பாக உள்ளது. டிரைலர் ரிலீஸ் குறித்து படக்குழுவினர் கூறியபோது 'பைரவா' படத்தின் டிரைலர் பணிகள் கடந்த சில நாட்களாக இரவு பகலாக நடைபெற்று வந்ததாகவும், தற்போது டிரைலர் சென்சாருக்கு செல்ல தயார் நிலையில் இருப்பதாகவும், விரைவில் இதுகுறித்த அறிவிப்பு வெளிவரும்' என்றும் கூறியுள்ளனர்.
விஜய், கீர்த்திசுரேஷ், ஜெகபதிபாபு, சதீஷ், அபர்ணா விநோத், தம்பி ராமையா உள்ளிட்ட பலர் நடித்துள்ள 'பைரவா' படத்திற்கு சந்தோஷ் நாராயணன் இசையமைத்துள்ளார். பரதன் இயக்கத்தில் உருவாகியுள்ள இந்த படத்தை பெரும் பொருட்செலவில் விஜயா புரடொக்ஷன்ஸ் நிறுவனம் தயாரித்துள்ளது.