இளையதளபதி விஜய் நடித்து முடித்துள்ள 'பைரவா' திரைப்படம் வரும் பொங்கல் தினத்தில் பிரமாண்டமாக உலகம் முழுவதும் வெளியாக உள்ள நிலையில் இந்த படத்தின் சண்டைக்காட்சிகள் குறித்து சமீபத்தில் ஸ்டண்ட் இயக்குனர் அனல் அரசு சமீபத்தில் அளித்துள்ள பேட்டியில் கூறியுள்ளார்.

இந்த படத்தில் மொத்தம் ஐந்து சண்டைக்காட்சிகள் இருப்பதாகவும், அதில் ஸ்பெஷல் சண்டைக்காட்சியாக கிரிக்கெட் ஃபைட் ஒன்று இருப்பதாகவும் கூறினார். இந்த படத்தின் ஓப்பனிங் ஃபைட்டாக வரும் இந்த ஃபைட் கிரிக்கெட் சார்ந்த ஒரு ஃபைட் சீன். இந்த சண்டைக்காட்சியின் ஒருசில ஷாட்கள் டிரைலரிலும் வந்துள்ளது. இந்த சண்டைக்காட்சியின் படப்பிடிப்பின்போது விஜய் உள்பட படக்குழுவினர் அனைவரும் ரொம்ப என்ஜாய் செய்து படமாக்கினோம் என்று கூறினார்.

உண்மையில் அது சண்டைக்காட்சியே அல்ல, அதுவொரு கிரிக்கெட் விளையாட்டுதான். பேட்டால் யாரையும் அடிக்கக்கூடாது, வில்லன்களும் விஜய்யை அடிக்கக்கூடாது, ஆனால் சண்டை நடக்க வேண்டும், அதாவது அது சண்டைக்காட்சியா, கிரிக்கெட் விளையாட்டா? என்று அனைவரும் நினைக்கும் அளவுக்கு படமாக்கியுள்ளோம், இந்த சண்டைக்காட்சி ரசிகர்களுக்கு புதுவித அனுபவமாக இருக்கும்' என்று கூறினார்.