'விஜய் 62' படத்திலும் 3 நாயகிகளா?
- IndiaGlitz, [Wednesday,April 12 2017]
அட்லி இயக்கத்தில் இளையதளபதி விஜய் நடித்து வரும் 'விஜய் 61' படத்தில் காஜல் அகர்வால், சமந்தா மற்றும் நித்யாமேனன் என மூன்று நாயகிகள் நடித்து வருவது தெரிந்ததே. இந்த படத்தில் விஜய் மூன்று வித்தியாசமான வேடங்களில் நடித்து வருவதால் மூன்று நாயகிகள் நடித்து வருவதாக கூறப்படுகிறது.
இந்த நிலையில் விஜய்யின் அடுத்தபடமான அவரது 62வது படத்தை பிரபல இயக்குனர் ஏ.ஆர்.முருகதாஸ் இயக்கவுள்ளதாக செய்திகள் வெளிவந்ததை ஏற்கனவே பார்த்தோம். ஆனால் இந்த படத்திலும் மூன்று நாயகிகள் நடிக்கவுள்ளதாகவும், அவர்கள் ராகுல் ப்ரித்திசிங், டாப்சி மற்றும் எமிஜாக்சன் என்றும் தகவல்கள் வெளிவந்துள்ளது. இவர்களில் ராகுல் ப்ரித்திசிங், டாப்சி ஆகியோர் விஜய்யுடன் முதன்முதலாக நடிக்கவுள்ளனர் என்பதும் எமிஜாக்சன் 'தெறி' படத்தில் இணைந்து நடித்தவர் என்பதும் குறிப்பிடத்தக்கது.
'துப்பாக்கி', 'கத்தி' ஆகிய இரண்டு வெற்றி படங்களை கொடுத்த விஜய்-முருகதாஸ் கூட்டணி மூன்றாவது முறையாக இணைந்துள்ள இந்த படம் மிகப்பெரிய பட்ஜெட்டில் உருவாக்கப்படவுள்ளதாகவும் கூறப்படுகிறது.