இளையதளபதி விஜய் நடித்த 'தெறி' படத்தின் படப்பிடிப்பு கடந்த சில நாட்களுக்கு முன்னர் முடிவடைந்த நிலையில் அவரது 60வது படத்தின் பணிகள் தொடங்கிவிட்டது. முதல்கட்டமாக நேற்று ஒரு எளிய பூஜையுடன் இந்த படத்தின் இசையமைப்பு பணி தொடங்கிவிட்டதாக செய்திகள் வெளிவந்துள்ளது.

'விஜய் 60' படத்தின் நேற்றைய பூஜையில் இயக்குனர் பரதன், இசையமைப்பாளர் சந்தோஷ் நாராயணன் மற்றும் விஜயா புரடொக்ஷன்ஸ் நிறுவனத்தினர் ஆகியோர் கலந்து கொண்டனர்.

மேலும் இந்த படத்தின் படப்பிடிப்பு தொடங்கும்போது மேலும் ஒரு பூஜை நடைபெறும் என்றும், அந்த பூஜையில் விஜய் உள்பட படக்குழுவினர் அனைவரும் கலந்து கொள்வார்கள் என்றும் கூறப்படுகிறது.

விஜய் 60' படத்தில் நடிக்கும் நடிகர், நடிகையர் தேர்வு நடைபெற்று வருவதாகவும், விஜய் தனது குடும்பத்துடன் வெளிநாட்டு பயணம் சென்று திரும்பியதும் இந்த படத்தின் படப்பிடிப்பு தொடங்கும் என்றும் கூறப்படுகிறது.