மெகா ஸ்டார் சிரஞ்சீவி நடித்துவரும் ’சயிர நரசிம்மரெட்டி’ என்ற திரைப்படத்தின் படப்பிடிப்பு முடிவடைந்து தற்போது கிராபிக்ஸ் மற்றும் தொழில்நுட்ப பணிகள் நடைபெற்று வருகிறது. இந்த படம் வரும் நவம்பர் மாதம் வெளியாகும் என்று எதிர்பார்க்கப்படுகிறது.

இந்த நிலையில் மெகா ஸ்டார் சிரஞ்சீவியின் அடுத்த படத்தை பிரபல தெலுங்கு இயக்குனர் கொரட்டலா சிவா இயக்க உள்ளார் என்ற செய்தி ஏற்கனவே வெளிவந்ததை பார்த்தோம். இந்தப் படம் ஒரு அதிரடி ஆக்ஷன் படம் என்று கூறப்படும் நிலையில் இந்த படத்தில் நடிக்கும் நாயகி உள்பட நடிகர் நடிகைகள் தேர்வு கடந்த சில நாட்களாக நடைபெற்று வருகிறது.

இன்னும் டைட்டில் வைக்கப்படாத இந்த படத்தில் சிரஞ்சீவிக்கு ஜோடியாக நடிகை இலியானாவை இயக்குனர் கொரட்டலா சிவா தேர்வு செய்துள்ளதாக கூறப்படுகிறது. இலியானா, ஷங்கர் இயக்கத்தில் விஜய் நடிப்பில் உருஆன ‘நண்பன்’ உள்பட பல தமிழ், தெலுங்கு திரைப்படங்களில் நாயகியாக நடித்துள்ளார் என்பது குறிப்பிடத்தக்கது.