ఆ స్టార్ హీరోతో ఇలియానా?
- IndiaGlitz, [Tuesday,December 17 2019]
టాలీవుడ్‌లో స్టార్ హీరోయిన్ స్టేట‌స్‌లో ఉన్న‌ప్పుడే ఇలియానా బాలీవుడ్‌లోకి అడుగుపెట్టింది. అక్క‌డ కూడా హీరోయిన్‌గా అడ‌పా ద‌డ‌పా అవ‌కాశాల‌ను ద‌క్కించుకుంటున్న స‌మ‌యంలో ప్రేమ‌లో ప‌డింది. లివ్ ఇన్ రిలేష‌న్ స్టార్ట్ చేసింది. ఒళ్లు చేసేసింది. అంతా ఓకే అనుకుంటున్న త‌రుణంలో బ్రేక్ అప్ అయ్యింది. ఇప్పుడు ఆమెను ప‌ట్టించుకునేవారు క‌రువైయ్యారు. తెలుగులో అవ‌కాశాల కోసం ట్రై చేసింది. ఇక్క‌డ నిర్మాత‌లు ఇలియానాని ప‌ట్టించుకోలేదు. ఈ ఏడాది ఆమె న‌టించిన పాగ‌ల్ పంతి విడుద‌లైంది. పెద్ద‌గా స‌క్సెస్ కాక‌పోవ‌డంతో ఇలియానాకు పెద్ద‌గా క‌లిసి రాలేదు. ఇప్పుడు ఆమె చేతిలో ఒకే ఒక హిందీ సినిమా మాత్ర‌మే ఉంది.
ఇలాంటి త‌రుణంలో ఆమెకు ద‌క్షిణాది నుండి ఓ అవ‌కాశం వ‌చ్చింద‌ట. అయితే అది తెలుగులో కాదు. త‌మిళంలో అని స‌మాచారం. త‌మిళంలో స్టార్ హీరో అజిత్ హీరోగా హెచ్‌.వినోద్ ద‌ర్శ‌క‌త్వంలో ఓ సినిమా రూపొందుతోన్న సంగతి తెలిసిందే. ఈ చిత్రంలో ఇద్ద‌రు హీరోయిన్స్ ఉంటారు. అందులో యామీ గౌత‌మ్ ఒక‌రు. కాగా మ‌రో హీరోయిన్‌గా ఇలియానాని తీసుకున్న‌ట్లు కోలీవుడ్ వ‌ర్గాల్లో గుస‌గుస‌లు విన‌ప‌డుతున్నాయి. కెరీర్ ప్రారంభంలో ఒక‌టో రెండో త‌మిళ చిత్రాల్లో న‌టించిన ఇలియానా తెలుగుకే ప‌రిమిత‌మైంది. ఇప్పుడు తిరిగి మ‌ళ్లీ త‌మిళంలోకి అడుగు పెడుతుంది. మ‌ళ్లీ ఇలియానా కెరీర్ స్పీడు అందుకుంటుందా? తెలియాలంటే కొన్ని రోజులు ఆగాల్సిందే