నడుము సుందరి ఇలియానా గతంలో టాలీవుడ్ లో ఓ వెలుగు వెలిగింది. పోకిరి తర్వాత కుర్రకారంతా ఇలియానా జపం చేశారు. కెరీర్ బాగానే సాగుతున్న టైంలో ఇలియానా రాంగ్ స్టెప్ వేసింది. బాలీవుడ్ ని కూడా దున్నేయడానికి వెళ్ళింది. కానీ ఆమె అంచనాలు తారుమారయ్యాయి.

అరకొర ఆఫర్స్ తప్ప అక్కడ ఆమెకు పెద్దగా అవకాశాలు దక్కలేదు. మధ్యలో ప్రేమ వ్యవహారంతో ఫిట్ నెస్ పై పట్టు కోల్పోయింది. తన మునుపటి లుక్ కోల్పోయింది. ఇలియానా బాలీవుడ్ కి వెళ్లడంతో ఆమెకు సౌత్ లో కూడా ఆఫర్స్ నిల్ గా మారిపోయాయి.

ఇదీ చదవండి: వైరల్ పిక్స్ : భర్తతో రొమాంటిక్ మూడ్ లో కాజల్

అప్పుడప్పుడూ ఇలియానా చిత్ర పరిశ్రమ గురించి చేసే కామెంట్స్ వివాదంగా మారుతున్నాయి. తాజాగా ఇలియానా ఫిల్మ్ ఇండస్ట్రీపై ఘాటు వ్యాఖ్యలు చేసింది. చిత్ర పరిశ్రమ క్రూరమైనది. ఇక్కడ అవకాశాలు దక్కడంతో సమానత్వం ఉండదు.

పాపులారిటీనే ఇక్కడ బిగ్ ఫ్యాక్టర్. ఎప్పుడైతే పాపులారిటీ కోల్పోతామో అప్పుడే ఇక్కడ మనకి పని ఉండదు. నా విషయంలో కూడా అదే జరిగింది అని ఇలియానా తెలిపింది. ఇలాంటి క్రూరమైన పరిస్థితులు ఉన్న చోట నిలదొక్కుకోవడం చాలా కష్టం అని ఇలియానా అభిప్రాయ పడింది. ప్రస్తుతం ఇలియానా 'అన్ ఫెయిర్ అండ్ లవ్లీ' అనే చిత్రంలో నటిస్తోంది.