'விஜய் 61' படத்தில் பிரபல காமெடி நடிகர்
- IndiaGlitz, [Tuesday,January 24 2017]
இளையதளபதி விஜய் நடித்த 'பைரவா' திரைப்படம் கடந்த 12ஆம் தேதி உலகம் முழுவதும் ரிலீஸாகி திரையரங்குகளில் ஓடிக்கொண்டிருக்கின்றது. கலவையான விமர்சனம், ஜல்லிக்கட்டு போராட்ட பிரச்சனைகளையும் தாண்டி இந்த படம் திருப்திகரமான வசூலை தந்து கொண்டிருப்பதாக கூறப்படுகிறது.
இந்நிலையில் விஜய்யின் அடுத்த படமான 'விஜய் 61' படத்தின் ஆரம்பகட்ட பணிகள் தொடங்கி விறுவிறுப்பாக நடைபெற்று வருகிறது. இந்த படத்தில் விஜய்க்கு ஜோடியாக காஜல் அகர்வால் நடிக்கவுள்ளதாக கூறப்படுகிறது. மேலும் இந்த படத்தின் நடிகர், நடிகைகளின் தேர்வு நடைபெற்று வரும் நிலையில் தற்போது வெளிவந்துள்ள புதிய தகவலின்படி காமெடி நடிகர் சத்யன் இந்த படத்தில் இணைந்துள்ளதாக கூறப்படுகிறது.
ஏற்கனவே விஜய்யுடன் நடிகர் சத்யன் 'துப்பாக்கி', 'நண்பன்' உள்பட ஒருசில படங்களில் நடித்துள்ளார் என்பது குறிப்பிடத்தக்கது.
ஸ்ரீதேனாண்டாள் பிலிம்ஸ் தயாரிப்பில் அட்லி இயக்கத்தில் உருவாகவுள்ள இந்த படத்தின் திரைக்கதையை 'பாகுபலி' புகழ் விஜயேந்திரபிரசாத் எழுதியுள்ளார். இந்த படத்தின் படப்பிடிப்பு பிப்ரவரியில் தொடங்கும் என்றும் இந்த படத்தின் பெரும்பாலான படப்பிடிப்பு வெளிநாட்டில் படமாக்கப்படவுள்ளதாகவும் கூறப்படுகிறது.