'பைரவா' படத்தின் முக்கிய பணியை ஆரம்பித்த விஜய்
- IndiaGlitz, [Tuesday,November 15 2016]
இளையதளபதி விஜய் நடித்த 'பைரவா' படத்தின் படப்பிடிப்பு முடிந்துவிட்டது என்பதையும் இந்த படத்தின் போஸ்ட் புரடொக்ஷன்ஸ் பணிகள் தொடங்கிவிட்டதாகவும் வெளிவந்த செய்தியினை சற்று முன்னர் பார்த்தோம்.
இந்நிலையில் இன்று முதல் விஜய் இந்த படத்தின் தன்னுடைய பகுதியின் டப்பிங்கை தொடங்கியுள்ளார். டப்பிங் பணிக்காக இன்று வடபழநியில் உள்ள ஏவிஎம் ஸ்டுடியோவிற்கு விஜய் வந்தபோதுதான் ரூபாய் நோட்டுக்கள் குறித்த தனது கருத்தை செய்தியாளர்களிடம் தெரிவித்தார் என்பது குறிப்பிடத்தக்கது.
விஜய் டப்பிங் பணியை முடித்தவுடன் அடுத்தடுத்து இந்த படத்தில் நடித்த அனைவரும் விறுவிறுப்புடன் தங்களுடைய பகுதியின் டப்பிங்கை செய்ய உள்ளனர். இந்த படம் வெளியாகும் பொங்கல் தினத்திற்கு இன்னும் இரண்டு மாதங்கள் மட்டுமே இருப்பதால் மின்னல் வேகத்தில் போஸ்ட் புரடொக்ஷன்ஸ் பணிகள் நடைபெறும் என்பது குறிப்பிடத்தக்கது.