'தெறி' சாதனையை 'தெறி'யே முறியடிக்குமா?
- IndiaGlitz, [Sunday,March 27 2016]
இளையதளபதி விஜய் நடிப்பில் அட்லி இயக்கிய 'தெறி' படத்தின் டீசர் கடந்த மாதம் வெளிவந்து இந்திய அளவில் சாதனை படைத்தது என்பதை ஏற்கனவே பார்த்தோம். இந்த டீசர் கிட்டத்தட்ட 10 லட்சம் பார்வையாளர்களையும், 3 லட்சம் லைக்குகளையும் நெருங்கிவிட்டது.
இந்நிலையில் கடந்த வாரம் வெளியான 'தெறி' படத்தின் டிரைலரும் வெகுவிரைவில் டீசரின் சாதனையை நெருங்கிவிடும் என எதிர்பார்க்கப்படுகிறது. ஒரே வாரத்தில் 'தெறி' டிரைலருக்கு கிட்டத்தட்ட 6 லட்சம் பார்வையாளர்களும் 2 லட்சம் லைக்ஸ்களும் கிடைத்துள்ளது. எனவே இன்னும் ஒருசில நாட்களில் 'தெறி' டீசரின் சாதனையை 'தெறி' டிரைலர் முறியடிக்கும் என எதிர்பார்க்கப்படுகிறது.
விஜய்யின் படங்கள் ஏற்கனவே வசூல் உள்பட பல சாதனைகள் படைத்துள்ள நிலையில் அவருடைய முந்தைய சாதனையை அவருடைய படங்களே முறியடித்த வரலாறு உண்டு. அந்த வகையில் மீண்டும் ஒரு முறியடிப்பு சாதனை அவருடைய படமே நிகழ்த்துமா? என்பதை பொறுத்திருந்து பார்ப்போம்.