இளையதளபதி விஜய் நடித்த 'புலி' வரும் அக்டோபர் 1ஆம் தேதி உலகம் முழுவதும் பிரமாண்டமாக ரிலீஸாகவுள்ள நிலையில் இந்த படத்தின் தமிழக ரிலீஸ் உரிமை அனைத்தும் ஏற்கனவே விற்பனையாகிவிட்டதை பார்த்தோம். இந்நிலையில் 'புலி' படத்தின் இந்தி டப் ரிலீஸ் உரிமையை பெற பிரபல வட இந்திய தொலைக்காட்சி நிறுவனமான 'வயாகாம் 18' (Viacom18) பேச்சுவார்த்தையில் ஈடுபட்டு வருவதாக கூறப்படுகிறது.

தமிழ், தெலுங்கு மொழிகளில் ரிலீஸாகும் அதே அக்டோபர் 1ஆம் தேதி 'புலி' படத்தின் இந்தி டப்பிங்கையும் வட இந்தியாவில் பெருவாரியான தியேட்டர்களில் ரிலீஸ் செய்ய இந்த நிறுவனம் திட்டமிட்டுள்ளதாகவும் கூறப்படுகிறது. மேலும் இந்த படத்தின் இந்தி பாடல்களின் இசை வெளியீட்டு விழாவும் மும்பையில் விரைவில் நடைபெறவுள்ளதாகவும் கூறப்படுகிறது. இந்நிலையில் 'புலி' திரைப்படம் வரும் வெள்ளியன்று தணிக்கை செய்யப்படும் என எதிர்பார்க்கப்படுகிறது.

விஜய், ஸ்ருதிஹாசன், ஹன்சிகா, ஸ்ரீதேவி, பிரபு, சுதீப், ரோபோ சங்கர், வித்யூலேகா, தம்பி ராமையா, உள்பட பலர் நடித்துள்ள இந்த படத்திற்கு தேவி ஸ்ரீபிரசாத் இசையமைத்துள்ளார். சிம்புதேவன் இந்த படத்தை இயக்கியுள்ளார்