விஜய்-தேனாண்டாள் கூட்டணியில் இணையும் வெற்றிப்பட இயக்குனர்
- IndiaGlitz, [Friday,September 09 2016]
ஸ்ரீதேனாண்டாள் பிலிம்ஸ் தயாரிக்கும் 100வது பிரமாண்டமான படமான 'சங்கமித்ரா' படத்தை சுந்தர் சி இயக்குகிறார் என்பதும் இந்த படத்திற்கு ஆஸ்கார் நாயகன் இசையமைக்கின்றார் என்பதும் தெரிந்ததே. இந்த படத்தில் முதலில் விஜய் நடிப்பதாக கூறப்பட்டு பின்னர் அது மறுக்கப்பட்டது என்பதை ஏற்கனவே பார்த்தோம்.
இந்நிலையில் தற்போது வந்துள்ள புதிய தகவலின்படி ஸ்ரீதேனாண்டாள் பிலிம்ஸ் தயாரிக்கும் இன்னொரு படத்தில் விஜய் நடிக்கவுள்ளதாகவும் இந்த படத்தை அட்லி இயக்கவுள்ளதாகவும் உறுதிப்படுத்தப்பட்ட செய்தி வெளிவந்துள்ளது. ஆனால் அதே நேரத்தில் இந்த படம் விஜய்யின் 61வது படமா? அல்லது 62வது படமா? என்பது இன்னும் தெளிவாகவில்லை. இதுகுறித்த அதிகாரபூர்வ தகவல் வரும்வரை பொறுமை காப்போம்.
இருப்பினும் 'தெறி'யின் தெறியான கூட்டணி மீண்டும் இணைந்துள்ளதால் விஜய் ரசிகர்கள் உற்சாகத்தில் உள்ளனர்.