ரஜினியை அடுத்து விஜய் படத்தை தயாரிக்கின்றாரா தனுஷ்?
- IndiaGlitz, [Friday,January 06 2017]
நடிகராக மட்டுமின்றி பாடகர், பாடலாசிரியர், தயாரிப்பாளர், இயக்குனர், கதை வசனகர்த்தா, என பல அவதாரங்களில் வெற்றிகரமாக ஜொலித்து வருபவர் தனுஷ்.
சூப்பர் ஸ்டார் ரஜினிகாந்த், ரஞ்சித் இயக்கும் அடுத்த படத்தை தயாரிப்பவரும் தனுஷ் தான் என்பது தெரிந்ததே. இந்நிலையில் ரஜினியை அடுத்து தனுஷ் தயாரிப்பில் விஜய்யும் நடிக்கவுள்ளதாக செய்திகள் கசிந்துள்ளது.
அனேகமாக விஜய் நடிக்கும் 62 வது படத்தை தனுஷ் தயாரிக்கவுள்ளதாகவும், இந்த படத்தை ஏ.ஆர்.முருகதாஸ் இயக்க வாய்ப்பு உள்ளதாகவும் கூறப்படுகிறது.
இந்த செய்தி உறுதி செய்யப்பட்டால் இந்த படம் தமிழ் சினிமாவின் மிகப்பெரிய படமாக இருக்கும் என்று எதிர்பார்க்கப்படுகிறது.