'பைரவா' பாடல்கள்-டிரைலர் ரிலீஸ் எப்போது?
- IndiaGlitz, [Wednesday,November 30 2016]
இளையதளபதி விஜய் நடித்த 'பைரவா' படத்தின் படப்பிடிப்பு முடிவடைந்து போஸ்ட் புரடொக்ஷன்ஸ் பணிகள் நடைபெற்று வரும் நிலையில் இந்த படத்தின் டீசர் சமீபத்தில் வெளிவந்து பெரும் வரவேற்பை பெற்றது.
இந்நிலையில் இந்த படத்தின் பாடல்கள் மற்றும் டிரைலர் ரிலீஸ் தேதியை விஜய் ரசிகர்கள் ஆவலுடன் எதிர்பார்த்து காத்திருக்கின்றனர். இந்த எதிர்பார்ப்பை பூர்த்தி செய்யும் வகையில் தற்போது 'பைரவா' படத்தின் இசை வெளியீட்டு தேதி மற்றும் டிரைலர் தேதி குறித்த தகவல்கள் வெளிவந்துள்ளது.
சந்தோஷ் நாராயணன் கம்போஸ் செய்த இந்த படத்தின் பாடல்கள் டிசம்பர் 10ஆம் தேதி வெளியாகும் என்றும் அதே தினத்தில் இந்த படத்தின் அட்டகாசமான டிரைலரும் வெளியாகும் என்றும் கூறப்படுகிறது. இந்த தகவல் குறித்த அதிகாரபூர்வ அறிவிப்பு இன்னும் ஒருசில நாட்களில் வெளிவரும் என்று எதிர்பார்க்கப்படுகிறது.