'பைரவா' ரிலீஸால் அப்செட் ஆன விஜய் ரசிகர்கள்?
- IndiaGlitz, [Monday,January 09 2017]
இளையதளபதி விஜய் நடித்த 'பைரவா' படத்தை பொங்கல் பண்டிகையுடன் சேர்த்து பிரமாண்டமாக கொண்டாட விஜய் ரசிகர்கள் தயாராக உள்ளனர். இந்த படம் தமிழகத்தில் இதுவரை இல்லாத அளவில் மிக அதிக திரையரங்குகளில் வெளிவரவுள்ளது. கிட்டத்தட்ட தமிழகத்தில் உள்ள அனைத்து பெரிய திரையரங்குகளிலும் 'பைரவா' ரிலீஸ் ஆகிறது.
ஆனால் அதே நேரத்தில் தமிழகத்தை போலவே மிக அதிக அளவில் விஜய்க்கு ரசிகர்கள் உள்ள மாநிலம் கேரளா. இங்கு கடந்த சில நாட்களாக திரையரங்கு உரிமையாளர்களுக்கும் விநியோகிஸ்தர்களுக்கும் இடையே பிரச்சனை ஏற்பட்டுள்ளது. இதன் காரணமாக கடந்த கிறிஸ்துமஸ் மற்றும் புத்தாண்டு நாட்களில் எந்த புதிய படமும் ரிலீஸ் ஆகவில்லை
இதுகுறித்த பேச்சுவார்த்தை நடந்து வந்தபோதிலும் இன்றுவரை இந்த பிரச்சனை முழுமையாக தீரவில்லை., எனவே கேரளாவில் 'பைரவா' மிகக்குறைந்த திரையரங்குகளில் மட்டுமே அதாவது சுமார் 70 திரையரங்குகளில் மட்டுமே வெளியாகிறது. கேரள சூப்பர் ஸ்டார் படங்களுக்க்கு இணையாக சுமார் 200 திரையரங்குகளில் வெளியாகும் என்று எதிர்பார்த்த விஜய் ரசிகர்கள் இதனால் அப்செட் ஆகியுள்ளனர். இருப்பினும் இன்னும் மீதமிருக்கும் இரண்டு நாட்களில் இந்த பிரச்சனை முழுவதுமாக நீங்கி பெருவாரியான கேரள திரையரங்குகளில் 'பைரவா' படம் வெளியாக வேண்டும் என்பதே அனைவரது விருப்பமாக உள்ளது.