ஏழைக்குழந்தைகளின் கனவு நனவாக விஜய் கொடுத்த ரூ.5 லட்சம்
- IndiaGlitz, [Thursday,October 15 2015]
இளையதளபதி விஜய் சத்தமில்லாமலும் விளம்பரங்கள் இன்றியும் பல உதவிகளை செய்து வருவதை அவ்வப்போது வெளிவரும் செய்திகள் மூலம் பார்த்து வருகிறோம். இந்நிலையில் விஜய் ஏழைக்குழந்தைகளின் கல்விக்காக ரூ.5 லட்சம் பண உதவி செய்த தகவல் தற்போது வெளிவந்துள்ளது.
குடிசைப் பகுதிகள் வாழும் ஏழைக்குழந்தைகள், உயர்தரமான பள்ளியில் படிக்க வேண்டும் என்ற கண்ட கனவை நனவாக்கும் வகையில் விஜய் ரூ.5 லட்சம் கொடுத்ததாகவும், இந்த பணத்தை விஜய், அவருடைய நெருங்கிய நண்பர் ராகவா லாரன்ஸ் நடத்தும் டிரஸ்ட் குழந்தைகளுக்கு பயனளிக்கும் வகையில் கொடுக்கப்பட்டதாகவும் கூறப்படுகிறது.
சமீபத்தில் வெளியான விஜய்யின் 'புலி' படத்தை ராகவா லாரன்ஸின் டிரஸ்டில் படிக்கும் குழந்தைகள் தியேட்டரில் சென்று பார்த்தனர் என்பது குறிப்பிடத்தக்கது.